Kryeministri i Kosovës, Albin Kurti, ka udhëtuar për në Zagreb të Kroacisë ku do të zhvillojë një vizitë zyrtare.

Kurti, sipas një komunikate për medie, do të mirëpritet në takime bilaterale nga krerët e shtetit të Kroacisë.

Gjatë kësaj vizite dy vendet do të nënshkruajnë marrëveshje në fushën e sigurimeve sociale, për njohje të ndërsjellë të patentë shoferëve, për bashkëpunim në mbrojtje nga fatkeqësitë natyrore, teknike dhe teknologjike, dhe bashkëpunim në fushën e mjekësisë ligjore.

Pas Kroacisë, shefi i qeverisë udhëton për në Slloveni.