Sot ka filluar fushata pesëditore për zgjedhjet lokale të raundit të dytë, që do të mbahen më 14 nëntor.

Kryetari i Lëvizjes Vetëvendosje, Albin Kurti, ka postuar në llogarinë e vet në “Facebook” një video në mbështetje të Arben Vitisë për Prishtinën.

Kurti ka ftuar edhe Glauk Konjufcën, Hekuran Muratin, Artane Rizvanolli, Hajrulla Çekun, Rozeta Hajdarin, Donika Gërvallën e të tjerët, që t’i tregojnë me video arsyet dhe planet e tyre për ta mbështetë Vitinë për qeverisjen në Prishtinë.

“Unë i kam 144 arsye për të votuar për Benin, por sot do ta ndaj vetëm një me juve: Beni do ta ketë mbështetjen time të plotë për planet e tij konkrete dhe të zbatueshme me të cilat do të zhvillohet Prishtina. I ftoj edhe kolegët e mi – Glauk Konjufca, Hekuran Muratin, Artane Rizvanolli, Hajrulla Cekun, Rozeta Hajdarin, Donika Gërvallan e të tjerët t’i tregojnë me video arsyet dhe planet e tyre për ta mbështetë Benin në transformimin e Prishtinës. Të dielën më 14 nëntor – mos harro. Dil e voto!”, ka shkruar Kurti.