Kryeministri i Kosovës, Albin Kurti, i ka uruar Shtetet e Bashkuara të Amerikës (ShBA) në Ditën e Pavarësisë.

Me këtë rast, Kurti në “Twitter” ka shkruar se aleanca e Kosovës me ShBA-në është vlerë e shprehur në deklaratën e pavarësisë së këtij shteti.

“Deklarata e Pavarësisë përmban një nga vizionet më të fuqishme të lirisë dhe barazisë të njohura në botë. Ai vizion dhe vlerat e përbashkëta që ajo shpreh – përbëjnë themelin e aleancës së kombeve tona. Ashtu si ai vizion është i përjetshëm, po ashtu është edhe aleanca. Gëzuar 4 Korrikun!”, ka shkruar Kurti.