Kurti uron Shqipërinë dhe Maqedoninë e Veriut: Kosova feston arritjet e juaja historike
Kryeministri i Kosovës, Albin Kurti, ka uruar Shqipërinë dhe Maqedoninë e Veriut për hapjen e negociatave me Bashkimin Evropian (BE).
Kurti ka thënë se Kosova i feston këto arritje të fqinjëve, derisa tha se iu bashkohet zotimeve për reforma drejt BE-së.
“Urime për Shqipërinë dhe Maqedoninë e Veriut për hapjen e negociatave me Bashkimin Evropian. Kosova feston arritjet e juaja historike dhe iu bashkohet në zotimet drejt reformave që do të transformojnë vendet tuaja dhe do të forcojnë rajonin tonë në Evropë”, ka shkruar Kurti në llogarinë e vet “Twitter”.
Gjatë ditës Shqipërinë dhe Maqedoninë e Veriut e ka uruar edhe presidentja Vjosa Osmani, teksa iu drejtua Bashkimit Evropian me kërkesën e kamotshme për liberalizim të vizave.
Congratulations to Albania and North Macedonia for opening accession negotiations with the European Union.
Kosova celebrates your historical achievement and joins in your commitment towards reforms that will transform your countries and strengthen our region and Europe.— Albin Kurti (@albinkurti) July 19, 2022