Kurti: Vetëvendosje ka defekte të brendshme
16 nëntor 2021
| 12:57
Kryeministri i Kosovës, Albin Kurti, sërish ka komentuar rezultatin e partisë së tij në zgjedhjet lokale.
Ai ka deklaruar se Lëvizja Vetëvendosje ka probleme të brendshme strukturore.
“Ajo që tashmë është e qartë është se në subjektin tonë politik që është rritur tej mase në 3-4 vjetet e fundit ka defekte strukturore dhe organizative. Nuk kemi struktura që i përgjigjen madhësisë. Ka defekte të brendshme. Të gjitha llojet dhe numrat e këtyre defekteve nuk mund t’ua them sot. Ka ekzistuar një bashkim i të gjitha subjekteve kundër LVV-së. Ka ekzistuar panik opozitar që janë bërë bashkë kundër LVV-së”, ka thënë ai.