Kurti vizitoi kullën e Mahmutbegollëve

14 mars 2025 | 15:31

Kryeministri i Republikës së Kosovës, Albin Kurti, bashkë ministrin e Kulturës, Rinisë dhe Sportit, Hajrulla Çeku, ka vizituar të premten në Pejë Kullën e Mahmutbegollëve.

Ky objekt i trashëgimisë kulturore është në proces të restaurimit dhe aktualisht në fazën finale të saj, si pjesë e projekteve dhe financimit nga Ministria e Kulturës, Rinisë dhe Sportit, në vlerën prej 271 mijë eurove. Punimet kanë filluar në korrik të vitit të kaluar.

Konaku është ndërtuar gjatë shekullit të XVIII dhe është aset i trashëgimisë kulturore në mbrojtje. Ky projekt është dëshmi e prioritetit të veçantë të qeverisë ndaj mbrojtjes së aseteve të trashëgimisë kulturore në rrezik dhe rifunksionalizimit të tyre.

Lajme të sponsorizuara

Të fundit
Kryetari i Kuvendit të Republikës së Kosovës, Glauk Konjufca, ka…