Një delegacion i Lëvizjes Vetëvendosje, i kryesuar nga kryetari Albin Kurti, deputetë dhe aktivistë të kësaj lëvizje kanë bërë homazhe sot në Prekaz tek varrezat e familjes Jashari në nderim të veprës dhe sakrificës së kësaj familje dhe luftës së UÇK-së për liri të Kosovës.

Pas homazheve, Kurti ka vizituar familjen Jashari, ku është pritur nga përfaqësuesi i kësaj familje, Rifat Jashari.

Kurti ka thënë se 28 Nëntori është festa që na bashkon e që kësaj radhe na bashkoi edhe kundrejt një fatkeqësie tragjike si kjo në zonën e Durrësit që na tronditi të gjithëve, e të cilën po e përballojmë duke u solidarizuar e qëndruar bashkë.

/Epoka e re/