Kryeministri i Kosovës, Albin Kurti, u shpreh optimist se edhe në zgjedhjet e 9 shkurtit 2025, do të shënojnë fitore “me mbi 50 për qind”.

Ai përmendi rritjen e buxhetit për 50 për qind rri arritje të madhe të qeverisë.

“Më 9 shkurt do të jenë zgjedhjet e ardhshme parlamentare. Krahasuar me vitin 2021 kur e kemi marrë qeverisjen, në vitin 2025 buxheti i Kosovës do të jetë 50 për qind më i lartë. Pra 50 për qind buxhet më shumë do të ketë Kosova në vitin 2025 sesa në vitin 2021″.

“Lëvizja Vetëvendosje i ka pasur mbi 50 për qind në vitin 2021, dhe unë besoj që nuk do të ketë ndryshime, rrjedhimit do të fitojmë sërish me mbi 50 për qind”, tha Kurti gjatë një interviste në Alsat.mk.