Kryetarja e Alternativës dhe deputetja e zgjedhur në listën e Lëvizjes Vetëvendosje, Mimoza Kusari-Lila ka thënë se ligjërisht ajo është deputete e Vetëvendosjes.

Mimoza Kusari-Lila  në “RTV Dukagjini”,  ka thënë se ajo ka garuar bashkë me Vetëvendosjen dhe sipas saj “ligjërisht Vetëvendosje i ka 29 deputetë në Kuvend”.

Deputetja e Kuvendit të Kosovës ka thënë se ajo pavarësisht se përfaqëson Alternativën nuk dëshiron që dikush të përdorë këtë situatë për kalkulime pas zgjedhore.

Kryetarja e Alternativës ka thënë se LDK ka mundur t’i ndryshoj disa gjëra vetëm para zgjedhjeve dhe sipas saj tashmë gjërat kanë ndryshuar. “Është jokorrekte nga LDK të përdorë në thelb emrin tim për një qasje të bashkëpunimit me Vetëvendosjen. Çka do të ndodhte nëse NISMA nuk do ta kalonte pragun e që atëherë VV do të kishte 32 deputetë e LDK 29?”.