Jordan Bardella i është bashkuar asaj që në atë kohë ishte Fronti Kombëtar i Francës në moshën 16-vjeçare.

Në të njëjtin vit, në 2012, udhëheqësja e partisë, Marine Le Pen për herë të parë kishte kandiduar për presidente dhe nuk pati arritur të korr fitore, pasi ishte renditur në vendin e tretë.

Në dy zgjedhjet e ardhshme presidenciale në vitet 2017 dhe 2022, Le Pen – e bija e themeluesit të Frontit Kombëtar, Jean-Marie Le Pen, ka rritur numrin e votave – kështu që në krye e kishte vendosur Bardellan, atëherë 27-vjeçar?

Në vitin 2022, Le Pen kishte marrë vendimin taktik për të vendosur një kandidat shumë më të ri si udhëheqës partie, raporton “Skynews”.

Kjo do ta lejonte atë të fokusohej në ofertën për fushatën presidenciale të vitit 2027 dhe të vazhdonte me riemërimin afatgjatë të partisë, e cila ka ndryshuar emrin e saj nga Balli Kombëtar në Fronti Kombëtar (RN) në vitin 2018 për të hequr ndikimin e fundit të babait të saj, ajo e ka përjashtuar atë nga partia në vitin 2015.

Bardella ishte emëruar tashmë nënkryetar në vitin 2019 dhe në të njëjtin vit, ishte bërë eurodeputeti i dytë më i ri në historinë evropiane.

Ai kishte shërbyer gjithashtu si zëdhënës i RN-së dhe president i krahut rinor të saj Generation Nation (Nation Generation), më parë Front National de la Jeunesse (Fronti Kombëtar i Rinisë), me drejtimin e trajnerit të medias dhe ish-gazetarit Pascal Humeau.

Dr.Itay Lotem, lektor i lartë i studimeve franceze në Universitetin e Westminsterit, ka thënë se Le Pen e shihte atë si një “investim të mirë për të ardhmen” pasi ai ishte “një fytyrë e re dhe e freskët që ajo mund ta kontrollonte”.

“Ai ishte i njohur si një person që ndiqte linjat partiake në vend që të kishte mendimet e veta, ndërsa paraqiti një fytyrë shumë të qetë që i përshtatej programit të detoksifikimit të Le Pen”, ka thënë ai.