Kuvendi i Kosovës ka miratuar Projektligjin për sigurinë e përgjithshme të produkteve, që ishte propozuar nga ministrja e Industrisë, Ndërmarrësisë dhe Tregtisë, Rozeta Hajdari.

61 deputetë kanë marrë pjesë në votim, kur të gjithë kanë votuar pro këtij projektligji.

Në të njëjtën kohë, nga Partia Demokratike e Kosovës (PDK) kanë kërkuar dorëheqjen e ministres Rozeta Hajdari, pasi kjo e fundit është dënuar nga Gjykata, për shkak të mosdeklarimit të pasurisë.

Shefi i deputetëve të PDK-së, Abelard Tahiri, ka thënë se deputetët e kësaj partie nuk do ta votojnë asnjë projektligj të propozuar nga ministrja Hajdari.