Kombëtarja e Shqipërisë ka pësuar humbje nga Gjeorgjia (0-1). Pas lojës, ylli gjeorgjian, Khvicha Kvaratskhelia, ka thënë se Shqipëria është një skuadër e fortë, por se Gjeorgjia e meritoi fitoren.

“Jam i lumtur për golin pavarësisht se kush shënon, rëndësi ka fitorja. Shqipëria është skuadër e fortë, mendoj se e merituam të fitonim. E kemi fituar shumë mirë, 2 ndeshje 2 fitore. Grupi është i fortë, duhet të vazhdojmë të luftojmë”, ka thënë Kvaratskhelia në “TV Klan”. Ai vlerësoi se u markua mjaft mirë nga mbrojtja “Kuq e Zi”, por rëndësi ka fitorja.