Një burrë që pretendon se është “fëmija sekret” i mbretit Charles dhe mbretëreshës Camilla, po kërkon një test të atësisë dhe ka shpërndarë në internet foto që ai beson se flasin në favor të tij.

Simon Dorante-Day është përpjekur prej vitesh të bindë publikun se gjaku mbretëror britanik rrjedh nëpër venat e tij, ai gjithashtu po merr masa ligjore dhe në një postim të fundit në Facebook, ai krahasoi tiparet e tij të fytyrës me mbretin Charles dhe dy djemtë e tij. Princi William dhe Princi Harry, për të vërtetuar pretendimet e tij.

“Ky krahasim i William, meje, Charles dhe Harry tregon diçka shumë të qartë, nuk ka qëndrueshmëri. Fakti që ana e majtë e fytyrës sime përputhet në mënyrë identike me atë të Çarlsit, ndërsa as e Uilliam-it dhe as e Harrit, ngre pyetjen e qartë se cilët janë djemtë e vërtetë të Çarlsit?”, tha ai.

Përveç tipareve të fytyrës, Dorante-Day foli edhe për detaje të tjera që ai beson se provojnë se është fëmija i dashurisë së fshehtë të çiftit mbretëror.

Në postimet e mëparshme në Facebook, ai pretendoi se Mbreti Charles dhe Camilla u takuan në mesin e viteve 1960, jo në vitet 1970, dhe se Camilla ndaloi së shfaquri në Mbretërinë e Bashkuar pak para se të lindte.

“Prandaj unë dhe bashkëshortja ime doktoresha Elvijana besojmë se testi i atësisë në katër drejtime është e vetmja mënyrë për ta zgjidhur këtë problem njëherë e mirë. Duhet të zbardhet e vërteta për shfaqjen që ka 58 vjet që luan Monarkia, Qeveria dhe Establishmenti”, vëren ai.

Siç ka theksuar në postim, kur mendoi të hiqte dorë nga kjo luftë, tre gjëra i kujtuan të kthehej në rrugën e duhur.

“Së pari, Winifred, fjalët e gjyshes sime të birësuar. Së dyti, kujtimet që kam dhe ai zë që më tregonte për 9 muaj vështirësi. Më në fund, sytë e mi, dhe dhimbje shumë e vërtetë. Ne meritojmë përgjigje!”

Dorante-Day lindi në vitin 1966 dhe u adoptua nga një çift i quajtur Karen dhe David Day kur ai ishte rreth tetë muajsh. Në kohën e lindjes së tij, Mbreti Charles ishte 17 vjeç dhe Camilla ishte 18. Gjyshërit e tij, Winifred dhe Ernest Bowlden, i shërbenin Mbretëreshës dhe Princit Philip në shtëpinë mbretërore.