Ka pista të shkurtra, pista me gunga dhe pista që goditen nga erërat e forta, por kjo ishte krejtësisht ndryshe për pilotët: një pistë e akullt.

Norse Atlantic Airways zbarkoi një Boeing 787 Dreamliner në kushte mjaft të ndryshme nga zakonisht, raporton cnn.

Destinacioni ishte Antarktida ndërsa vendi i aterrimit: një “pistë e akullt” 3000 metra e gjatë dhe 60 e gjerë, e cila ishte e skalitur nga bora dhe akulli.

Dreamliner aterroi në aeroportin Troll vetëm pas orës 2 të mëngjesit – në rrezet e diellit të ndritshëm, pasi në hemisferën jugore për momentin është verë. Është hera e parë që një Dreamliner – një aeroplan me trup të gjerë që mund të transportojë deri në 330 pasagjerë, në varësi të modelit – ka arritur në kontinentin e gjashtë.

Por, përpara se të filloni të kërkoni të rezervoni fluturimin tuaj për në Troll, duhet ta dini se fluturimi N0787 nuk ishte për pasagjerët.

Në fakt, 45 pasagjerët e parë ishin shkencëtarë nga Instituti Polar Norvegjez, i cili kishte kontraktuar fluturimin për t’i dërguar ata dhe 12 tonë pajisje në stacionin kërkimor Troll në Queen Maud Land, Antarktidë.

Hapësira e bollshme e ngarkesave të Dreamliner e bëri atë aeroplanin ideal për fluturim, tha Daniel Carey nga Aircontact, ndërmjetësi që organizoi fluturimin.

Efikasiteti i karburantit ishte gjithashtu një faktor, tha Paul Erlandsson, përfaqësues i shërbimit në terren në Boeing.

Ndryshe, aeroplani arriti në Antarktidë dhe u kthye në Cape Town pa pasur nevojë për karburant.