Kryesia e Kuvendit të Kosovës ka thirrur seancë të jashtëzakonshme, sot në orën 14:00, për të votuar draft-rezolutën e propozuar nga Partia Socialdemokrate, që ka të bëjë me parimet dhe udhëheqjen e pjesëmarrjes së Kosovës në dialogun me Serbinë.

Kjo draf-rezolutë pritet të marrë mbështetjen edhe të PDK-së, pastaj që në këtë seancë të votohet edhe përbërja e ekipit negociator të Kosovës në dialog.

Pjesë e këtij ekipi është edhe PSD-ja, Shpend Ahmeti do të jetë bashkëkryesues së bashku me Fatmir Limajn.

“Epoka e re” u sjell emrat e delegacionit të Kosovës në dialog, ku pritet të votohen në Kuvend.

Fatmir Limaj dhe Shpend Ahmeti bashkëkryesues;

Enver Hoxhaj, PDK

Avni Arifi, AAK

Behgjet Pcolli, AKR

Visar Ymeri, PSD

Dukagjin Gorani, PSD

(Këta dy emra të PSD-së mund të zevendësohen me përfaqësues të LDK-së dhe LV-së nëse bëhen pjesë e ekipit)

Mahir Yagcilar, Grupi 6+

Dardan Gashi,

Dhe një anëtar do të jetë nga shoqëria civile.