Në Fushë Kosovë sot janë paraqitur dy raste të reja me koronavirus.

Zëdhënësi për media i kësaj komune Ali Topalli thotë se rastet e reja janë kontakti ndërsa gjendja e tyre është stabile. “Janë raste të kontakteve familjare”, ka thënë Topalli për RTV Dukagjinin.

Topalli thotë se nga IKSHPK janë paralajmëruar se në Fushë Kosovë do të merren mostra të reja për të dyshuarit me koronavirus.

Zëdhënësi për media i Komunës së Fushë Kosovës ka thënë se me dy infektimet e fundit numri i rasteve aktive me Covid-19 në Fushë Kosovë shkon në 23. Kujtojmë tetë pacientë të prekur me Covid-19 nga Fushë Kosovë janë shëruar prej kohësh ndërsa për fat të mirë nuk ka pasur raste me fatalitet nga kjo komunë.