Rruga për në Paris ka nisur tashmë për Real Madridin dhe Liverpoolin.

Dy gjigantët e futbollit evropian do të përballen në mes vete më 28 maj në finale të Ligës së Kampionëve në kryeqytetin francez.

Deri atëherë, dy ekipet do t’i kenë disa angazhime.

“Los Blancos” do të jenë mjaft të qetë pasi tashmë e kanë siguruar titullin e kampionit në La Liga dhe fokusin kryesor do ta kenë tek finalja e Ligës së Kampionëve. Ndërsa “Reds” do të jenë të shpërndarë në të gjitha anët.

Ata janë duke luftuar për titull të kampionit të Anglisë, ku janë një pikë prapa liderit, Manchester City, ndërsa kanë shkuar edhe në finale të FA Cup, ku do të luajnë me Chelsean më 14 maj.

Pra, skuadra e Jurgen Klopp ka mundësi ta mbyllë një sezon historik me katër trofe: Ligën e Kampionëve, Premierligën, FA Cup dhe Carabao Cup.

Kalendari i Real Madridit:

8 maj: Atletico Madrid – Real Madrid

12 maj: Real Madrid – Levante

15 maj: Cadiz – Real Madrid

22 maj: Real Madrid – Real Betis

Kalendari i Liverpoolit:

7 maj: Liverpool – Tottenham

10 maj: Aston Villa – Liverpool

14 maj: Liverpool – Chelsea

17 maj: Southampton – Liverpool

22 maj: Liverpool – Wolverhampton