Cristiano Ronaldo është shpallur golashënuesi më i mirë në Kampionatin Evropian “Euro 2020”, pavarësisht që Kombëtarja e tij u eliminua në fazën 1/16 e finales.

Me pesë gola dhe një asistim të regjistruar Ronaldo ishte golashënuesi numër një në këtë “Euro 2020”, turne që u fitua nga Italia. Ndërsa, së fundmi, pesë herë fituesi i Topit të Artë ka reaguar në rrjetin social “Instagram” duke falënderuar të gjithë që i ndihmuan të arrijë këtë rekord.

“Faleminderit të gjithëve që më ndihmuan të arrijë një tjetër moment historik”, ka shkruar Ronaldo.