Nënkryetari i PDK-së dhe ish-komandanti i Zonës Operative të Drenicës, Sami Lushtaku, ka uruar Kadri Veselin me rastin e ditëlindjes së tij.

Me këtë rast, Lushtaku ka vlerësuar lartë kontributin e Veselit për liri dhe procesin e shtetndërtimit.

“Në ditëlindjen e pazakontë, i dërgoj urimet më të përzemërta mikut, bashkëluftëtarit e bashkëmendimtarit tim, kryetarit të PDK-së Kadri Veseli, për ditëlindjen e tij të 54.  Duke e njohur për më shumë se tri dekada, ai përbën figurën e njeriut të ndershëm e të drejtë, strategut e luftëtarit të denjë të UÇK-së, për tu shndërruar më pas në lider të ndërtimit të paqes dhe shtetit. Ndonëse i sfiduar padrejtësisht, ai dhe gjithë të tjerët do të dëshmojnë se lufta jonë ishte mbrojtëse dhe çlirimtare.  Shëndet e gjithë të mirat për Kadriun dhe familjen e tij!”, ka shkuar Lushtaku në llogarinë e vet në “Facebook”.