Një 34-vjeçare ka lënë punën e saj si prezantuese në radio për të dhënë vlerësime mbi makinat luksoze në “Instagram”. Ajo është australiania, Alex Hirschi, e cila tashmë fiton më shumë se 4 milionë dollarë në vit nga postimet në këtë rrjet sociale.

Mediat e huaja shkruajnë se ajo u largua nga Kuinslendi për në Dubai, në vitin 2008. Atje, ajo prezantoi një emision radiofonik mbi makinat për 5 vite, përpara se të niste karrierën në rrjetet sociale si “Biondja e super makinave”.

34-vjeçarja ka miliona ndjekës në “Instagram”, dhe faqja “Leasing Options” llogarit se ajo fiton rreth 4 milionë dollarë çdo vit falë marrëveshjeve me markat e mëdha të automobilëve.

Hirschi i ka të mbushura rrjetet sociale me fotografi ku ajo pozon pranë makinave më luksoze në qarkullim, si Ferrari, Aston Martin apo Pagani.