Deputeti i Kuvendit të Kosovës, Labinot Tahiri, përmes një postimi në llogarinë e vet në “Facebook”, ka bërë me dije se do t’i dhurojë dy paga të deputetit për ‘Grupin Kumanova’.

“Sot, janë futur në grevë urie vllezerit tanë të Grupit Kumanova! Sinqerisht ndiej keqardhje për këtë lajm. Si shenjë solidarizimi, nga paga ime mujore e deputetit, që kam në muajin dhjetor dhe në janar, do t’ua dorëzojë familjeve të tyre, me qëllim që të pakten ndonjë dhuratë apo ndonjë gjë ta kenë fëmijët e tyre për festën  e Vitit të Ri!”, ka shkruar deputeti Tahiri.

Postimi i plotë i tij:

Për GRUPIN KUMANOVA, si deputet( qytetarë)  i vendit, dhuroj dy pagat e mia dhjetor janar! 

Vllezër dhe motra!

Sot, janë futur në grevë urie vllezerit tanë të Grupit Kumanova! Sinqerisht ndiej keqardhje për këtë lajm. 

Si shenjë solidarizimi, nga paga ime mujore e deputetit, që kam në muajin dhjetor dhe në janar, do u’a dorëzojê familjeve të tyre, me qëllim që të pakten ndonjë dhuratë apo ndonjë gjë ta kenë fëmijêt e tyre për festën  e Vitit të Ri!

Ta konsiderojnë se u’a ka dërgua vëllau apo motra nga gurbeti, ashtu siç na gëzonin gjithnjë gurbetçarët gjatë fundvitit. 

Shuma e këtyre dy pagave është 3000 EURO, të cilat me datën 25 dhjetor duhet t’i marrë një përfaqesues kryesor që kujdeset për Grupin Kumanova. 

Kjo nuk është ndihmë, kjo është solidarizim. Nuk duhet të kënaqemi për fundvit vetem ne, por, edhe antarët e familjeve të tyre. 

Uroj që faktori ndërkombëtar dhe faktori politik në Kosovë e në Shqipëri, ta kenë parasyshë jetën e atyre burrrave, e mos ta harrojnë kontributin e tyre në luftën për Lirinë e Kosovës. 

Vali Zeka dhe ju vëllëzër Zoti ju bekoftë✊?

Labinot Tahiri, Ferizaj Kosovë e Shqipērisë