Xhirollogaria e fondacionit e hapur nga qeveria në detyrë ka filluar të mbushet. Ani pse dje kryeministri në detyrë, Albin Kurti, kërkoi ndihmën e diasporës, ndihma e parë nga ardhur nga Kosova.

Ish-deputeti dhe këngëtari Labinot Tahiri ka ndarë 5 000 euro për këtë fond. Tahiri ka njoftuar se sot ose nesër do t’i hedhë paratë në këtë fond.

“Ne i dhurojmë 5 000 € për fondin e shtetit dhe e përkrahim iniciativën e kryeministrit Albin Kurti!

Në humanizëm më ka ngritur populli, jo politikanët apo politika!

Sa i përket ndihmës së shtetit sipas kërkesës së kryeministrit Kurti, që diaspora ta ndihmojë Kosovën me donacione gjatë kësaj kohe sikurse ka ndihmuar shumë herë!

Ne e përkrahim z. Kurti që ka ndërmarrë këtë iniciativë dhe do t’i dhurojmë 5 000 € për fondin e shtetit tim/tonë për këtë sfidë kombëtare!

I nderuar z. kryeministër, sot ose nesër i hedhim paratë tona si Fondacion “Labinot Tahiri”.

Qytetarë të dashur, Zoti ju ruajt gjithmonë, edhe sot me këtë sfidë të madhe” shkruan Labi në njoftim.