Ndërmjetësuesi i veçantë i dialogut mes Kosovës dhe Serbisë, Miroslav Lajçak, ka njoftuar se ka zhvilluar takim me zëvendëskryeministrin e parë të Kosovës, Besnik Bislimin.

Lajçak këtë e bëri të ditur nëpërmjet një postimi në llogarinë e tij zyrtare në ‘Twitter’. Takimin, zyrtari i BE-së e quajti “të frytshëm”.

“Bisedim i thellë, i gjerë, por mbi të gjitha i dobishëm me Besnik Bislimin, Zëvendëskryeministrin e parë të Kosovës, lidhur me dialogun”, thuhet në njoftimin e tij.

Ai tutje ka dhënë një mesazh të koduar për dialogun mes Kosovës e Serbisë.

“Historia, gjendja aktuale dhe rruga drejt suksesit”, përfundon ai.

Lajçak pritet të zhvillojë takim edhe me kryeministrin Albin Kurti, si dhe zëvendëskryeministren Donika Gërvalla-Schwarz.

Në anën tjetër, Përfaqësuesi i Lartë i BE-së, Josep Borrell, ka thënë se 11 maji do të jetë data kur do të takohet pala kosovare me atë serbe për të diskutuar për vazhdimin e dialogut mes dy vendeve.Express

Deep, extensive, but above all very useful exchange with Besnik Bislimi, first Deputy Prime Minister of Kosovo, about the Dialogue – history, state of play and way forward. pic.twitter.com/wphwCSP9zC

— Miroslav Lajčák (@MiroslavLajcak) April 27, 2021