Lajçaku dhe Palmeri, mëngjes pune me komunitetin ndërkombëtar në Kosovë
01 qershor 2021
| 10:47
Emisari i Bashkimit Evropian (BE) për dialogun Kosovë-Serbi, Miroslav Lajçak, ka njoftuar se sot qysh në mëngjes ka filluar takimet me përfaqësuesit e komunitetit ndërkombëtar në Kosovë.
Në këto takime, Lajçaku ka thënë se i është bashkuar edhe zyrtari i lartë amerikan, Matthew Palmer, të cilin e ka quajtur edhe “shok të mirë”.
“Filluam ditën e dytë me një mëngjes pune me komunitetin ndërkombëtar në Kosovë, bashkë me shokun tim të mirë, Matt Palmer, i cili më është bashkuar mua në këto vizita. Si gjithmonë, një prezantim i mirë rreth aktiviteteve në terren”, ka shkruar Lajçaku në llogarinë e vet në “Twitter”.
Lajçaku dhe Palmeri dje kanë takuar të gjithë përfaqësuesit e institucioneve të Kosovës.