Emisari evropian për dialogun Kosovë-Serbi, Miroslav Lajçak pritet të qëndrojë sot (e martë) në Kosovë për vizitë.

Zyra e kryeministrit ka njoftuar se Lajçaku nga ora 18:00 do të takohet me zëvendëskryeministrin dhe kryenegociatorin Besnik Bislimi.

“Zëvendëskryeministri i parë për Integrim Evropian, Zhvillim dhe Dialog i Republikës së Kosovës, Besnik Bislimi, pret në takim përfaqësuesin special të BE-së, Miroslav Lajçak. Vendi: Ndërtesa e Qeverisë. Koha: 18:00”, është thënë në njoftim.

Ndërkohë, në medie më herët është raportuar se Lajçaku do të mbajë takime edhe me presidenten Vjosa Osmani e kryeministrin Albin Kurti.