Tjetër humbje për kampionët e Bostonit, që u ndalën nga Toronto (110-97). Një ndeshje me luhatje për Celtis, ku mungoi lojtari lider, ndërsa për kanadezët të gjithë titullarët realizuan mbi 10 pikë.

Humbet edhe skuadra e Denverit, që në fushën e saj u mund me shifrat 128-108 nga Houstoni. Jalen Green me 34 pikë ishte më i miri për miqtë. Pa probleme fiton ekipi i Milwaukee, që falë 30 pikëve të Lillard dhe 26 të Antetokounmpo, mundi me rezultat 122-93 Orlandon.

Te fitorja rikthehet ekipi i Lakersve, që mundi me shifrat 117-108 Miamin. 34 pikët e Herro për miqtë mbetën për statistikë, ndërsa për kalifornianët tri lojtarë realizuan mbi 20 pikë (Hachimura 23, Davis e LeBron nga 22 pikë secili). Fiton edhe ekipi tjetër i Los Anxhelos, ai i Clippersave, që mundi thellë me rezultat 126-67 Brooklyn (Leonard 23 pikë). Ndërsa skuadra e Golden State, falë 31 pikëve të Stephen Curry, mundi në sekondën e fundit 116-115 Minnesotan.

Rezultatet

Philadelphia – New York           119-125
Toronto – Boston                        110-97
Chicago – Atlanta                        94-110
Milwaukee – Orlando                 122-93
New Orleans – Dallas                 119-116

San Antonio – Memphis             115-129
Denver – Houston                        108-128
Utah Jazz – Charlotte                  112-117
Minnesota – Golden State          115-116
Lakers – Miami                             117-108
Clippers – Brooklyn                     126-67