Ekipi i Lakersve rikthehet të luajë në shtëpi pas shtyrjes së dy ndeshjeve për shkak të zjarreve në Los Anxhelos. Kalifornianët u mundën me rezultat 126-102 në shtëpi nga San Antonio.

Tri lojtarë të Spurs realizuan nga 23 pikë secili, duke i bërë të pavlefshme 30 pikët e Davis për vendasit. Humbet edhe skuadra e Golden State, që u mund me rezultat 104-101 nga Toronto. Curry realizoi 26 pikë për miqtë por që s’mjaftuan, ndërsa për kanadezët u dallua Barnes me 23 pikë. Pa probleme fiton Minnesota, 120-106 ndaj Washingtonin, sfidë ku Anthony Edwards e mbylli me 41 pikë.

Fiton skuadra tjetër e Los Anxhelosita, ajo e Clippers, që mundi me rezultat 109-98 Miami. Powell me 29 pikë e Harden me 26 pikë bënë diferencën në fushë për vendasit. Fitore në sekondat e fundit për Houstonin, që mundi me rezultat 120-118 Memphis, sfidë ku u dallua Jalen Green me 42 pikë.

Rezultatet

Washington – Minnesota          106-120
New York – Detroit                     119-124
Toronto – Golden State              104-101
Houston – Memphis                   120-118
Clippers – Miami                         109-98
Lakers – San Antonio                 102-126