Pas 11 ndeshjes radhazi të humbura në derbin e Los Anxhelos ndaj Clippersve, skuadra e Lakersat fitoi me rezultat 130-125. Një ndeshje që u vendos në kohën shtesë, me Lakersat që rikuperuan një disavantazh prej 19 pikësh në pjesën e parë.

Leonard dhe George realizuan 63 pikë së bashku, por që s’mjaftuan për Clippersat. Për Lakersat shkëlqeu LeBron James, me 35 pikë e 12 rebound, mbështetur edhe nga Davis e Russell, që realizuan nga 27 pikë secili.

Milwaukee pësoi një humbje të turpshme në Kanada, ku u mund 130-111 nga Toronto. Për vendasit u dallua Siakam me 26 pikë. Zhgënjen edhe Miami, që në fushën e tij u mund me rezultat 109-105 nga Brooklyni (50 pikë erdhën nga lojtarët e stolit).

Bostoni dhe Dallasi janë dy skuadra e vetme që s’njohin humbje deri më tani në NBA. Bostoni mundi thellë 155-104 Indianan (u dallua me Tatum 30 pikë e 12 rebound), ndërsa Dallasi fitoi me rezultat 114-105 ndaj Chicago (u dallua Williams me 25 pikë).

Skuadra e Golden State, falë 21 pikëve të Curry, mundi në sekondat e fundit 102-101 Sacramento. Bien edhe kampionët e Denverin, që pësojnë humbjen e parë sezonale. Denveri u mund me rezultat 110-89 në fushën e Minnesotas (Edwards 24 pikë për vendasit).

Rezultatet

Detroit – Portland                    101-110
Toronto – Milwaukee               130-111
Atlanta – Washington              130-121

Boston – Indiana                      155-104
Miami – Brooklyn                    105-109
New York – Cleveland             89-95
Oklahoma – New Orleans       106-110
Houston – Charlotte                 128-119
Minnesota – Denver                 110-89
Dallas – Chicago                        114-105
Utah Jazz – Memphis               133-109
Golden State – Sacramento     102-101