Lakersat arritën një fitore të rëndësishme në fushën e tyre ndaj Bostonit me rezultatin 117-96, duke konsoliduar pozitat në zonën “play-off” në Perëndim. Sfidë e komanduar nga kalifornianët, ku Davis realizoi 24 pikë, Reaves 23 dhe James 20, një trio që bëri diferencën në fushë.

Surprizon Dallasi, që mundi me shifrat 121-115 kryesuesit e Oklahomas. Dinwiddie me 28 pikë e Irving me 24 pikë u dalluan për miqtë, duke i bërë të pavlefshme 64 pikët e dyshes Shai-Williams. Rikthehet te fitorja edhe skuadra e Golden State, që mundi me shifrat 131-106 Chicagon, ndeshje ku u dallua stoli i vendasve, nga ku erdhën 73 pikë. Nuk zhgënjen ekipi i Milwaukee, që falë 29 pikëve të Lillard dhe 25 të Antetokounmpo mundi me shifrat 125-96 Miami.

Ndeshje të mirë bëri edhe San Antonio, që mundi me rezultat 140-11- Indianan (Wembanyama 30 pikë), ndërsa Denveri mundi me rezultat 132-123 Sacramento, ku u dallua Jokiq me një “triple double” (35 pikë, 22 rebound e 17 asistime).

Rezultatet

Indiana – San Antonio     110-140
Orlando – Portland           79-101
Atlanta – Toronto              119-122
Milwaukee – Miami          125-96

Oklahoma – Dallas            115-121
Denver – Sacramento       132-123
Golden State – Chicago    131-106
Lakers – Boston                 117-96
Clippers – Washington     110-93