Kylian Mbappe ka vendosur që të largohet nga PSG-ja në fund të këtij sezoni dhe këtë e bëri publike edhe pak ditë më parë. Një largim që ka hidhëruar tifozët e PSG-së, të cilët shihnin te ai shansin që mund të kishin për të fituar Ligën e Kampionëve.

Në klubin francez nuk e kanë pritur aq mirë këtë vendim dhe nuk është bërë asnjë komunikatë publike për lojtarin. Për më tepër, klubi nuk organizoi as një ceremoni simbolike për francezin, në ndeshjen e fundit që luante sot PSG për këtë sezon në stadiumin e vet.

Megjithatë, kanë qenë vetë ultrasit ata që kanë nderuar sulmuesin. Para sfidës, ata shpalosën një koreografi gjigande kushtuar Mbappe.