Zëvendësdrejtori i Policisë në Mitrovicën e Veriut, Veton Elshani, ka thënë se komuna nuk ka kërkuar ende asistencë për largimin e strukturave paralele serbe nga objekti që ndodhet në lagjen e Boshnjakëve.

Ai ka thënë para mediave se janë të gatshëm që të ofrojnë asistencë, pavarësisht orës.

Elshani ka theksuar se nuk ka njohuri për ultimatumin që i është dhënë nga komuna këtyre strukturave.

Ai para mediave foli edhe për aksionin e njësive policore në një fabrikë, në afërsi të Zubin Potokut.

Elshani nuk ka dhënë detaje sa i përket hetimeve në rastin ku është gjetur armatim para disa ditëve, me arsyetimin se nuk duan ta dëmtojnë procesin e hetimeve. /Ksp