Profesori Blerim Latifi ka folur rreth strategjisë së Lëvizjes Vetëvendosje për zgjedhjet e 14 shkurtit.

Ai thotë se janë “dy narrativa të cilat në fakt i kanë nxjerr jashtë lojës partitë e tjera”.

“Narrativa e parë është narrativa afirmative me vetveten, kur ai ka arrit me përçuar te qytetarët, me etablu narrativën si politikan i pastër, i pakorruptuar’, thotë Latifi në Pressing.

“Kjo është aduti më i fuqishëm i tij i cili faktikisht asnjë politikan tjetër në Kosovë nuk ka arrit me përvetësua, me profilizu vetën si politikan i pakorruptuar”, shtoi Latifi.

“Narrativa e dytë është se gjithë të tjerët janë e kundërta e këtij profili. Janë të korruptuar, janë të konsumuar, janë përgjegjës për krejt ato që nuk janë bërë ose që janë bërë keq në 20 vjetëve të fundit’, theksoi ai.