Profesori universitar, Blerim Latifi, ka thënë se kryeministri Albin Kurti po e përdor metodën e ish-presidenti Hashim Thaçi, duke i punësuar njerëzit që kanë folur e vepruar kundër tij.

Në profilin e tij në “Facebook”, ai ka shkruar se nuk duhet të habitemi nëse Kurti e angazhon në procesin e dialogut me Serbinë edhe deputetin e LDK-së Agim Veliun.

“Edhe Skenda në ekipin e Kurtit për dialog. Njeriu që kishte udhëtuar në Ëashington për të marrë qëndrimin e detajuar të Grenellit për rrëzimin e Kurtit, në mars të vitit të kaluar. Nuk duhet të habitemi kur ta shohim edhe Agim Veliun si kordinator për dialog midis Kuvendit dhe Qeverisë. Metoda klasike e Thaçit: punëso njerëzit që kanë folur e vepruar kundër teje!”, ka shkruar ai.