Latifi: Një kohë politikanët në politikbërje e imitonin Thaçin, tash do ta imitojnë Kurtin
14 mars 2021
| 21:40
Analisti politik, Blerim Latifi, ka thënë se zgjedhja e Lumir Abdixhikut si kryetar i LDK-së shënon një fenomen të ri në politikë.
Latifi, nëpërmjet një shkrimi në “Facebook”, ka thënë se kjo përzgjedhje nënkupton paralajmërim se “tash e tutje politikanët në Kosovë do të ndjekin stilin dhe mënyrën e Kurtit të të bërit politikë”.
“Ka qenë një kohë kur politikanët në Kosovë imitonin stilin dhe mënyrën e të bërit politikë të Thaçit. Zgjedhja e Avdixhikut në krye të LDK- së është paralajmërim se tash e tutje politikanët në Kosovë do të ndjekin stilin dhe mënyrën e Kurtit të të bërit politikë. Ata do të përpiqen ta mundin atë duke imituar stilin dhe profilin e tij politik”, ka shkruar Latifi.