Kryetari i komunës së Rahovecit, Smajl Latifi, po vazhdon takimet publike me qytetarë për kërkesat e tyre dhe ecurinë e projekteve.

Takimet publike janë mbajtur në fshatrat Dejnë, Vrajak dhe Bratotin.

Kryetari Latifi ka paraqitur para banorëve projektet të cilat janë përfunduar, ato në proces dhe planet dhe projektet e planifikuara për vitet në vijim bazuar në projeksionet buxhetore.

Ndër kërkesat të cilat banorët paraqitën ishin: Rregullimi i shtretërve të përrenjve, vazhdimi i kanalizimit, ndriçim, rrugë fushore, kubëzim i rrugëve lokale, trotuare, rrethimi i oborrit të shkollës, mirëmbajtje e varrezave të vjetra.