Nuk kanë të ndalur sukseset për xhudon kosovare. Pasi të enjten fitoi medaljen e argjendtë në grupmoshën e junioreve, Laura Fazliu të hënën ka fituar edhe një medalje evropiane.

Ajo u rendit e treta në kampionatin evropian për grupmposhën U-23. Për medalje të bronztë, Laura e mposhti xhudisten sllovene, Zarja Tavcar.

Në luftë për medalje të bronztë në kategorinë deri 63 kilogramë, Laura ishte e jashtëzakonshme. Por realizoi pikë vetëm në kohën shtesë.