Forumi i Rinisë së Lidhjes Demokratike të Kosovës (LDK), ka publikuar një video, nëpërmjet së cilës kritikohet qeverisja e tanishme e udhëhequr nga Lëvizja Vetëvendosje.

Në këtë video, paraqitet shtrenjtimi i produkteve të ndryshme, të cilat kanë ndodhur gjatë vitit të fundit.

Përveç kësaj, në video me ironi është thënë: “Ju prezantojmë me ofertën më të mirë të qeverisë për vitin e fundit”.

Kjo video e publikuar nga Forumi i Rinisë së Lidhjes Demokratike të Kosovës, vjen pak javë pas disa videove të publikuara nga LV-ja, ku sulmohen ish udhëheqësit e vendit.