Deputetja e Lidhjes Demokratike të Kosovës (LDK), Hykmete Bajrami, ka deklaruar se partia e saj është kundër projektligjit për çmimet tavan.

Ajo ka thënë se neni 10 i Kushtetutës e definon Kosovën si ekonomi e tregut të lirë.

“Mendësia juaj qeverisë është kundër fitimit”, ka thënë Bajrami gjatë seancës në Kuvendin e Kosovës.

Ajo po ashtu e ka marrë shembull rastin e vendosjes së çmimit tavan për naftë, teksa ka thënë se nafta vazhdon ta ketë çmimin e njëjtë.

“I gjithë progresi shoqëror është ndërtuar mbi synimin e fitimit”, ka thënë Bajrami.

Përpos LDK-së, këtë iniciativë e kanë kundërshtuar edhe PDK-ja dhe AAK-ja.