Shefi i Grupit Parlamentar të Lidhjes Demokratike të Kosovës (LDK), Arben Gashi, ka njoftuar se ka thirrur seancë të jashtëzakonshme për nesër (e enjte) në orën 12:00, në emër të 43 deputetëve.

Gashi ka thënë se kjo kërkesë është bërë “për të adresuar skandalet në Korporatën Energjetike të Kosovës (KEK)”.

“Në emër të 43 deputetëve të nënshkruar, kam thirrur seancën e jashtëzakonshme, e cila do të mbahet nesër në orën 12:00. Kjo kërkesë është bërë për të adresuar skandalet në Korporatën Energjetike të Kosovës (KEK), që kanë ngritur shqetësime të mëdha për publikun dhe institucionet”, ka shkruar Gashi në “Facebook”.