Los Angeles Lakersi dhe Milwaukee Bucksi janë vetëm një fitore larg kalimit në fazën tjetër të “play-off”-it në NBA.

Kalifornianët dhe skuadra Winconsi fituan edhe përballjet e 4-ta ndaj Portland Trail Blazzersit dhe Orlando Magicut me shifrat 135-115 dhe 121-106 dhe tashmë kryesojnë seritë në Perëndim dhe në Lindje 3-1 me ndeshje.

Mbreti James me 30 pikë, 6 rebounde dhe 10 asistime dhe i përhershmi Giannis Antetokounmpo me 31 pikë, 15 rebounde dhe 8 asistime ishin ata që udhëhoqën Lakersat dhe Bucksin drejt fitoreve të radhës. U kualifikua në gjysmëfinalet e Lindjes, Miami Heat, që fitoi edhe sfidën e 4-t ndaj Indiana Pacersit me rezultatin 99-87. Ndërkohë barazoi 2-2 serinë Oklahoma City Thunderi që fitoi edhe ndeshjen e 4-t me rezultatin e ngushtë 117-114 për meritë të dyshes së zakonshme Denis Schorder-Chris Paul.