Kampionët e Bostonit u mundën me rezultat 118-114 në fushën e tyre nga Philadelphia, ndeshje me rivalitet dhe shumë emocione. Maxey me 33 pikë e Embiid me 27 pikë ishin më të mirë për Philadelphian, duke i bërë të pavlefshme 32 pikët e Tatum për Celtics. Fitore në sekondat e fundit për Lakersat, që mundën me rezultat 115-113 Golden State jashtë fushe.

LeBron James me 31 pikë e 10 asistime ishte lider për Lakersat, mbështetur nga Reaves me 26 pikë. Curry realizoi 38 pikë për Warriors, por që mbetën për statistikë.

Skuadra e Phoenixit mundi me shifrat 110-100 Denverin, sfidë ku diferencën në fushë e bëri dyshja Durant-Beal, që realizuan nga 27 pikë secili. Minnesota, falë 26 pikëve të Edwards mundi me rezultat 105-99 Dallasin, ndërsa New York triumfoi me rezultat 117-114 ndaj San Antonio (Bridges 41 pikë).

Rezultatet

New York – San Antonio           117-114
Dallas – Minnesota                    99-105
Boston – Philadelphia                114-118
Golden State – Lakers               113-115
Phoenix – Denver                      110-100