Ekipi i Lakersave fitoi me rezultat 111-88 ndaj Washingtonit dhe qëndron në zonën “play-off” në Konferencën e Perëndimit.

Ndeshje pa shumë histori, dominuar nga vendasit, ku u dallua LeBron James me një “triple double” (21 pikë, 10 rebound, 13 asistime), ndërsa Davis ishte shënuesi më i mirë me 29 pikë e 16 rebound.

Pa probleme fiton edhe skuadra e Denverit, që mundi thellë me rezultat 144-109 Philadelphias. Edhe Nikola Jokiq ishte protagonist i një “triple double” (27 pikë, 13 rebound, 10 asistime), ndeshje ku u dallua edhe kolektiviteti i skuadrës vendase (6 lojtarë realizuan mbi 10 pikë).

Zhgënjen sërish Miami, që u mund me shifrat 116-107 në fushën e tij nga Portlandit (Simons 24 pikë), ndërsa New York, falë 25 pikëve e 16 rebound të Towns fitoi me rezultat 99-95 derbin me Broklynin. Fiton edhe skuadra e Torontos, që mundi me shifrat 109-93 Orlandon, ndeshje ku u dallua Barrett me 19 pikë.

Rezultatet

Brooklyn – New York      95-99
Miami – Portland             107-116
Toronto – Orlando           109-93
Denver – Philadelphia     144-109
Lakers – Washington       111-88