“Unë luaj basketboll për shokët e mi dhe për tifozët. Mund të bëjnë çfarë të duan, por unë nuk luaj basketboll pa tifozë”.

Fjalë këto të LeBron James i cili ka mbajtur një pozicion të qartë lidhur me idenë e organizatorëve që ndeshjet e NBA për një periudhë të caktuar të luhen pa tifozë, për shkak të emergjencës nga koronavirusi që tashmë ka prekur edhe Shtetet e Bashkuara të Amerikës.

Ylli i Lakers menjëherë pas fitores ndaj Bucks ka shprehur mendimin e tij lidhur me këtë çështje duke e bërë të qartë se ai nuk zbret mbi parket pa tifozë.