Video-incizimet në mes të shefes së grupit parlamentar të Lëvizjes Vetëvendosje, Mimoza Kusari-Lila dhe terroristin Milan Radoiçiq, kanë bërë që Kuvendi i Kosovës sot (e premte) të mbajë seancë të jashtëzakonshme.

Lidhur me këtë, deputeti i AAK-së, Pal Lekaj, ka thënë se fajin se ka Kusari-Lila por kryeministri Albin Kurti, njofton klankosova.tv.

Po ashtu, ai ka thënë se LV-ja nuk është në seancë për ta mbrojtur shefen e tyre, pasi nuk kanë të drejtë pas gabimit historik të tyre.

“Kanë ardhur me entuziazëm, me patriotizëm sepse janë mbështet prej 50 për qindtë qytetarëve, dhe pas katër vjetëve ata po shkojnë me kokulur. Nuk kanë bërë asnjë veprim në asnjë segment që qytetari do ta mbajë mend”.

“Nuk i ka fajet Kusari-Lila, por kryeministri, se me koordinime të tij keni vepruar, e Dejona, ku jeni sot, ku jeni fshehur, pse nuk po e mbrojnë Mimozën. Nuk keni të drejtë se keni bërë një gabim që historia nuk do t’ua fal”.

“Kemi pasur të drejtë që iu kemi thënë në ditët e para që kryeministri është mashtrues, dhe do t’iu mashtrojë për jetë e mot nëse i besoni”, ka thënë Lekaj.