Shefja e grupit parlamentar të Lëvizjes Vetëvendosje, Mimoza Kusari-Lila teksa, derisa ka folur për subvencionimin e qeverisë është përballur me një “përplasje” me deputetin e AAK-së, Pal Lekaj, në Komisionin Hetimor Parlamentar në lidhje me menaxhimin e krizës energjetike nga Qeveria e Kosovës.

“Më fal kolege, të lutëm mos”, i ka thënë Lekaj, Kusari-Lilës.

“Koleg m’doket nuk po e dini”, ia ka kthyer ajo, teksa Lakaj ka vazhduar  duke thënë “mos bëni cilësime”.

“Nuk të kemi thirr ty në raport, mos ia bëni avokatin ministrit (Hekuran Murati)”, ka thënë Lekaj.

Por, Kusari-Lila i ka thënë Lekaj se “ajo është deputete me mandat të qartë”.

“Ju po jepni konkluza, ju po jepni konkluza”, ka thënë Kusari-Lila.