Ministri i Infrastrukturës, Pal Lekaj ka pritur të premten në takim ambasadorin e Shqipërisë në Kosovë, Qemal Minxhozin.

Lekaj këtë e bëri të ditur në një postim të tij në rrjetin social “Facebook”, ku tha se lidhja infrastrukturore afron edhe më shumë Kosovën e Shqipërinë, qytetarët dhe ekonominë e të dyja vendeve.
Ai po ashtu theksoi se do të ketë edhe projekte të reja që shumë shpejt do të zbatohen.

“Lidhja infrastrukturore afron edhe më shumë Kosovën e Shqipërinë, qytetarët dhe ekonominë e të dyja vendeve.

Për projekte të reja që shumë shpejt do të gjejnë zbatim, biseduam me ambasadorin e Shqipërisë në Kosovë, Qemal Minxhozi”, ka shkruar Lekaj.