Shtohen problemet për Real Madridin në prapavijë, dëmtohet edhe mbrojtësi tjetër

Pas Dani Karvajalit, një tjetër mbrojtës është dëmtuar tek Real Madridi. Bëhet fjalë për Alvaro Odriozola.

Ky i fundit pritej të zinte vendin e Karvajalit, por ka pësuar të njëjtin fat. Sipas njoftimit të Real Madridit, Odriozola ka pësuar një dëmtim në këmbën e djathtë. Ky është një problem i madh për Zidanin, pasi lista e të dëmtuarve nuk është e vogël. Hazard, Kros, Karvajal, Militao dhe tani së fundmi Odriozola janë të gjithë të dëmtuar.

Problemi më i madh për Zidanin është pikërisht krahu i djathtë i mbrojtjes, pasi të dy mbrojtësit që aktivizohen në këtë rol janë të dëmtuar.