Portieri i Kombëtares së Gjermanisë, Bernd Leno raportohet se dëshiron të largohet nga Arsenali. Besimi i “The Gunners” për Lenon ka rënë dukshëm, pasi ata e transferuan në afatin kalimtar të verës Aaron Ramsdalen.

Skuadra e Arsenalit mund ta lejojë largimin e Lenos në janar, por vetëm për një ofertë të mirë. Raportohet se Interi ka shfaqur interesim për portierin gjerman, i cili do të ishte pasardhës i Samir Handanoviqit që po shkon drejt përfundimit të karrierës.