Aktori i njohur i Hollywood-it, Leonardo Di Caprio, i ka dhënë 10 milionë dollarë apo mbi 9 milionë e 100 mijë euro për të ndihmuar Ukrainën.

Kështu raporton Agjencia Shtetërore e Lajmeve e këtij vendi.

“Aktori hollywoodian, Leonardo Di Caprio ka transferuar 10 milionë dollarë për Qeverinë e Ukrainës si ndihmë ndaj agresionit rus. Donacioni është në përkrahje të luftës si dhe për nevoja humanitare të Ukrainës”, raporton “Ukrinform”.

Di Caprio ka deklaruar se edhe gjyshja e tij i ka rrënjët ukrainase.

Kjo llogaritet se është shuma më e madhe që një person ka donuar për ushtrinë ukrainase.