Gjatë karrierës së tij të suksesshme, Leonardo DiCaprio, pati mundësinë të punojë me emrat më të mëdhenj të industrisë së filmit, ndër të cilët spikat Robert De Niro.

Në filmin “The Boy’s life” të vitit 1993, DiCaprio luajti një rol përkrah Robert De Niros dhe kjo përvojë i la një përshtypje të veçantë.

“Nuk kam parë kurrë një set kaq serioz. Kur De Niro hyri brenda, të gjithë heshtën. Unë thashë, ‘Çfarë po ndodh këtu? Është sikur një fantazmë të ketë hyrë në dhomë’”, tha DiCaprio në një intervistë për CBS.

Siç pretendon ai, kjo përvojë i mësoi atij aftësi të rëndësishme, themelore dhe ai e kuptoi përqendrimin që DeNiro solli në punën e tij.

Regjisori Michael Caton-Jones i mësoi gjithashtu profesionalizmin, duke i thënë: “Hesht, fëmijë, kur po përpiqemi të jemi serioz. Dhimbja është e përkohshme, por filmi është i përjetshëm. Përqendrohuni te puna dhe përgatitja”.

Në filmin “The Boy’s Life”, DiCaprio luajti rolin e Tobias Wolff, një adoleshent që përballet me njerkun abuziv Dwight Hansen, të luajtur nga De Niro. Edhe pse filmi mori vlerësime të ndryshme, performanca e DiCaprios ishte jashtëzakonisht e dukshme, duke hedhur themelet për karrierën e tij.

“Duke parë De Niron, mësova se si t’i përkushtohem plotësisht një personazhi dhe të krijoj diçka nga asgjëja”, tha DiCaprio.

Vite më vonë, aktori bashkëpunoi sërish me De Niron në filmat “Marvin’s Room” dhe “The Audition”, dhe në vitin 2023 në filmin e Martin Scorsese “Killers of the Flower Moon”.

Në filmin “Killers of the Flower Moon” De Niro ka luajtur sërish rolin e babait të DiCapri-t, duke e bërë këtë moment të veçantë për të dy. DiCaprio arriti në përfundimin se De Niro i dha atij mësime që e formuan atë si aktor dhe e lejuan atë të ndërtonte një karrierë të suksesshme.